想知朋友在想甚麼?加入Go123Go吧!

探索樂趣

Go123Go的會員每日都在發掘身邊最有趣的事物,用文字和影像向全世界分享。有些會員正在討論一本你從來沒有看過的書籍,有些會員又會分享一部即將上映的電影、一個新的網站,和一些你從來都沒有接觸過的事物。要第一時間知道其他人這一分鐘在想甚麼事情,最好的方法就是透過標籤去擴闊你的視野!

鐵甲鋼拳 (Real Steel)

Atom Yeung KK

分數:2526

加留意

  • 4
  • 2011-10-20

    幾日無黎尼度,一睇返竟然發現有咁多人彈依套戲,其實我覺得都OK喎!科幻類嘅電影加埋咁多暴力場面,定位的確有d難攪,究竟係拍拖戲定係家庭戲先? 起碼要說服女朋友去睇就真係好難啦! 不過我覺得部戲入面嘅父子情相當之出,而且仲係有d窩心個隻,似係大男人流血不流淚,鐵漢柔情果種!
    男主角演技就無需多講,裡頭嘅細路仲係個大驚喜!故事一開頭冇耐就有D笑料,最尾o既慢鏡頭又幾溫情,個仔望住老豆落淚果Part令我好"滾動"!應該講話部戲屬於一個新市場,啱老豆帶個仔睇!

    唔去戲院睇嘅話畫面梗係唔好lu,但如果去戲院都要選間音響效果勁o既戲院,唔好side咗d咁正嘅聲效啊!

鐵甲鋼拳 (Real Steel)

Jack Chong 莊記

分數:655

加留意

  • 1
  • 2011-10-20

    朋友動態睇到水泥俠點評呢套戲,冇入戲院睇,社區搵到Down黎睇左。我認為冇咁好,劇情一般般,畫面唔夠清晰(影片版本緣故),睇黎睇去就係兩堆鐵....(額前一滴汗)大家都話幾感人嘅父子情都無感.......難道係我太冷血?OMG!

鐵甲鋼拳 (Real Steel)

向晴

分數:581

加留意

  • 1
  • 2011-10-20

    明明有咁多新戲上,我又唔中意睇打片,根本我無咩機會可以寫到影評。不過豬豬仔好想睇,咁啱又搵到早場,所以我就無端端入咗場啦。因為唔係旺季檔期,戲院唔算多人。坦白講,成套戲d動作特效場面我真係冇乜感覺,但豬豬仔就好激動,睇到熱血沸騰。

    反而比我留意到戲入面嘅父子情,導演安排細膩又合理,有感動位。仲有,個細佬真係好討人喜歡。出到黎豬豬仔一直都話點解冇3D,如果有睇多一次都無妨。

白蛇傳說 (The Sorcerer and the White Snake)‎

Carol Chow Hiu Kam

分數:2082

加留意

  • 4
  • 2011-10-12

    本嚟估話呢套戲好差,結果出乎意外嘅好。超級中意呢套片中嘅法海,李連傑演技一流呀!另外,曾睇過張曼玉嘅青蛇和王祖賢版本嘅青蛇,呢套片中阿sa表現也出乎意料嘅贊!黃聖依清純嫵媚好有睇點。

    至於劇情和臺詞,比我預想中好超多,行雲流水般,總之,入戲院睇唔好後悔喇!

生命樹(Tree of Life )@泰倫斯馬力克

Simon Wong

分數:443

加留意

  • 0
  • 2011-09-28

    可以說這是一部藝術電影,但不同的是這部電影結構更清晰、線索更明朗,從敘事到抒情沒有任何晦澀的地方。

    首先我想讃的是:畫面強大的視覺衝擊力,我並不是一個自然科學學家,而影片中也並不一定是真實的自然現象,但這些畫面加上宗教感很強的配樂都讓我震撼無比。

    再有,影片敘事非常清晰靈巧,讓觀眾很容易理解劇情。說到影片的內涵,相信很多人看到結尾的時候情緒都會變得複雜。如果你受過信仰的洗禮,那麼這部片一定不會讓你失望!

鬆毛犬小威 (Wasao)

大笨熊

分數:515

加留意

  • 1
  • 2011-09-08

    其實我覺得故事嘅完整性唔係好好,不過睇到WASAO淋雨時可憐嘅樣、又或者同主人重逢嘅果D片段,總會有想哭嘅衝動。日本拍唔好戰鬥片同商業片,不過愛情片同溫馨小片都仲係可以嘅,尤其日本傳統文化嘅傳承,讓日本人係對待動物呢一方面,即使平淡,都可以延伸出好多嘅小感動。
    WASAO真係好Q……

大白鯊3d食人夜(Shark Night 3D)

Mr.Thomas Tong

分數:381

加留意

  • 1
  • 2011-09-08

    入戲院睇呢部片可以話係曬錢,一D恐怖感都無,通篇落來,連個鯊魚咬人嘅鏡頭都無,血漿又有得少,不過,睇睇裏面嘅靚女,都仲係可以嘅。

大逃殺3D (Battle Royale 3D)

Simon Wong

分數:443

加留意

  • 0
  • 2011-09-08

    一直以來我覺得日本拍不好槍戰片、動作片、也拍不好商業大片,但是日本能拍出一些無厘頭的影片,這部片給我帶來不少的感動。3D的視覺,鮮血似乎直接噴在自己身上,能深刻感受到當中的殘忍。然而片中用軍隊、直升機、荷槍實彈來對待一班學生,實在有些不符合邏輯。還很記得,土屋安娜的片尾歌很好聽。

陰傭花園 (Laddaland)

Ci Ci Tong

分數:469

加留意

  • 1
  • 2011-09-08

    好多人都話呢套戲唔好,我睇果陣都係抱住應該係部爛片嘅想法入場,但我某失望到。我甚至仲推薦朋友去睇。因為睇果陣我真係有挨嚇到。我覺得部片同以往嘅唔同,有一種新鮮感,各種恐怖嘅元素融合係埋一齊。演員演技雖然唔係好精彩,但會令你事後淰起都依然覺得恐怖。

情迷夜巴黎 (Midnight in Paris)@活地·艾倫(Woody Allen)

Hilda Wong 小織

分數:2231

加留意

  • 0
  • 2011-09-08

    第一时间看了这套电影,首先,我不同意關於這是一部風光宣傳片的說法,雖然我不認為巴黎真的就是世界上最浪漫的城市,但這部影片的風景也並沒有太多壯闊創面,導演更多的安排了小街小巷小事物。 而現在也并不是巴黎最美好的年代。我沒有辦法想像一個知名導演會在今天的巴黎拍一部有個人風格而又不和午夜巴賽隆納過於接近的電影。

     另外,對於整部影片來說,其實情節和手法並不算精細,整套電影就像營造了一個夢境,讓我感覺更多的不是巴黎本身的迷人的風情,而是巴黎人和巴黎一切事物帶來的浪漫風景。

 數據加載中...