想知朋友在想甚麼?加入Go123Go吧!

探索樂趣

Go123Go的會員每日都在發掘身邊最有趣的事物,用文字和影像向全世界分享。有些會員正在討論一本你從來沒有看過的書籍,有些會員又會分享一部即將上映的電影、一個新的網站,和一些你從來都沒有接觸過的事物。要第一時間知道其他人這一分鐘在想甚麼事情,最好的方法就是透過標籤去擴闊你的視野!

冷笑話

Carol Chow Hiu Kam

分數:2082

加留意

  • 8
  • 2011-10-22

    瞭解三國或學中文的人都應有讀過諸葛亮在北伐中原之前給劉禪上書的表文《出師表》,近日網路出現的粵語版《出師表》真是很有趣呀!

    ————————————————————————————
    *你伯爺出黎行,半路就去咗賣鹹鴨蛋,睇個勢,依家個地盤分成三嚿,益州睇黎都系保唔住嘅嘞,以後個世道睇黎都幾難崖。但系你伯爺留低班細慨都好忠心,班懵柄出去劈友連命都唔要,呢D都系睇在你老豆以前俾錢又俾女的份上,現家想報答返你啫。

    嗱,阿叔我現家就只系想你醒醒定定,搞掂你老豆嘅遺願,等D兄弟都有得威;千祈唔好將自己當成一嚿叉燒,辜負左班手足。

    家嚇班兄弟都系自己友嚟,想鬧邊個摑邊個,都要公平;唔俾心機做野嘅,成日系度搞三搞四嘅,同埋份人忠忠直直嘅,就交俾保衛科,應該斬手既斬手,應該升職嘅就升職,甘樣就表現到你對大家都系公平嘅,你千其唔好幫埋一邊,對大家大細超。

    郭仔、費仔、董仔,份人都好老實,做野好周到,你爺伯在世個時就特別睇得起佢地,臨死前叫佢地好好幫扶你,阿叔我話齋,會裏面大大細細嘅 事情都可以交俾佢地;你個個懵柄向叔,人好好,亦都好生猛,劈得玩得,你伯爺都話佢“掂”,你得就提拔一下,我覺得收陀地劈友嘅事就交俾佢,一定可以搞大 我地個地盤,以後就冇人敢惹我地架嘞。

    我地舊陣時個會點解開始甘勁呢,就系因為一直收埋D老實人,趕走D呃飲呃食既,後黎點解會搞到甘衰,就系因為身邊剩番班口噏噏當秘笈 嘅廢人,你伯爺以前次次同我傾計,講起呢單野都赤赤痛。侍中、尚書、長史、參軍,呢幾條友都系阿叔我斬過雞頭嘅好兄弟,你一定要信佢地,我地會重振雄風之 日就指意曬你嘞!

    阿叔本來就系個耕田佬,系南陽都有番幾嚿田,在呢個人隊人既時代,我不想隊人,只系想唔俾人隊。

    你伯爺唔嫌棄我,三日唔埋兩日就走去我屋企,問我點搞好個會,阿叔我就感激到標曬馬尿,甘就跟左你老豆啦。 後黎我地會同操爺個會開片,衰左,阿叔我撐住成個會,到現家都廿幾年羅。

    你伯爺知道阿叔我醒目,所以賣鹹鴨蛋之前就將大事都交托曬俾我,自從換左你做阿頭之後,我就日日失眠,擔心辜負左大佬嘅心意,所以五月個 時就帶住班手兄開船過河,去個個山K啦嘅地方,搞掂曬所有應該搞定嘅野。依家南邊無人再敢搞三搞四,我地班靚又人強馬壯,應該好好地俾班手足疏弗下。然後 再將中原打番番黎,將個D冇本心嘅二五仔通通做低曬,將我地個D忠字頭嘅都扶番起身。咁樣我就算對得你伯爺住啦。至於要點搞,冧橋呢D甘嘅野就要靠攸之、 祎仔、允仔佢地嘞。

    呢一次阿叔我就系去劈班契弟,劈唔成嘅話你話點就點。如果搞唔掂個會,你就去搵攸之、祎仔、允仔,我就唔信個班野敢吃碗面反碗底。阿仔 你都應該揾個時間好好地甘諗下你伯爺既話。甘你阿叔我就好欣慰啦。得啦得啦,時間到,去劈友啦,男人老狗,標曬馬尿甘,都唔知講左D乜野。(其實我覺得哩句才是中心句,“不知所言”)

    ————————————————————————————

    原文

    先帝創業未半而中道崩殂(cú)。今天下三分,益州疲(pí)弊,此誠危急存亡之秋也。然侍衛之臣不懈於內, 忠誌之士忘身於外者,蓋追先帝之殊遇,欲報之於陛下也。誠宜開張聖聽,以光先帝遺德,恢弘誌士之氣,不宜妄自菲薄,引喻失義,以塞(sè)忠諫之路也。

    宮中府中,俱為一體;陟(zhì )罰臧(zāng)否(pǐ),不宜異同;若有作奸犯科及為忠善者,宜付有司論其刑賞,以昭陛下平明之理;不宜偏私,使內外異法也。

    侍中、侍郎郭攸(yōu)之、費祎(yī)、董允等,此皆良實,誌慮忠純,是以先帝簡拔以遺(wèi)陛下。愚以為宮中之事,事無大小,悉以咨之,然後施行,必能裨(bì)補闕(quē)漏,有所廣益。

    將軍向寵,性行淑均,曉暢軍事,試用於昔日,先帝稱之曰能,是以眾議舉寵為督。愚以為營中之事,悉以咨之,必能使行(háng )陣和睦,優劣得所。

    親賢臣,遠小人,此先漢所以興隆也;親小人,遠賢臣,此後漢所以傾頹也。先帝在時,每與臣論此事,未嘗不嘆息痛恨於桓、靈也。侍中、尚書、長(zhǎng)史、參軍,此悉貞良死節之臣,願陛下親之信之,則漢室之隆,可計日而待也。

    臣本布衣,躬耕於南陽,茍全性命於亂世,不求聞達於諸侯。先帝不以臣卑鄙,猥(wěi)自枉屈,三顧臣於草廬之中,咨臣以當世之事,由是感激,遂許先帝以驅馳。後值傾覆,受任於敗軍之際,奉命於危難之間,爾來二十有(yòu )一年矣。

    先帝知臣謹慎,故臨崩寄臣以大事也。受命以來,夙(sù)夜憂嘆,恐托付不效,以傷先帝之明,故五月渡瀘,深入不毛。今南方已定,兵甲已足,當獎率三軍,北定中原,庶(shù)竭駑(nú)鈍,攘(rǎng)除奸兇,興復漢室,還於舊都。此臣所以報先帝而忠陛下之職分也。至於斟酌損益,進盡忠言,則攸之、祎、允之任也。

    願陛下托臣以討賊興復之效,不效,則治臣之罪,以告先帝之靈。若無興德之言,則責攸之、祎、允等之慢,以彰其咎(jiù)。陛下亦宜自謀,以咨諏(zōu)善道,察納雅言,深追先帝遺詔。臣不勝受恩感激。

    今當遠離,臨表涕零,不知所言。

 數據加載中...