想知朋友在想甚麼?加入Go123Go吧!

  • 周秀娜(Chrissie Chau)

周秀娜(Chrissie Chau,1985年5月22日),有「翻版樂基兒」之稱,入行前並唔喺誌願做模特兒,而喺誌願做空中小姐。 到咗2005年,參加動漫節得咗亞軍。直至2008年,因為喺沙田出席活動時,和樂基兒名模一樣,加上樣子甜美,故此稱為「翻版樂基兒」,佢已由普通攝影發燒友搖身一變全港認識的模特兒之一,與此同時,佢開始進軍電影、唱歌同舞臺界行列。

  • 最新|
  • 熱門
上班這件事

分數:974

加留意

  • 0
  • 2012-02-03

    【周秀娜永久留疤美腿報銷】
    性感女神周秀娜搵食一向「露露暢通」,除32D巨咪外,其42.5吋長腿同樣吸睛。可惜自去年八月拍電影被電單車死氣喉灼傷右腿大髀,娜姐半年來忍受傷口被霉菌肆虐之痛,如今傷口雖已愈合,惟留下永久性疤痕,一條白滑美腿盡毀。幸而她已買下七位數字保險,決意為搵食工具做激光磨皮!

    娜姐全身都值錢,去年更自稱為一雙絕世好咪投保三千萬,加上其42.5吋又白又滑長腿,難怪寫真銷量遠勝其他o靚模。可惜福無重至,她去年到馬來西亞拍電影《紙月亮》時發生意外,坐電單車後座時不慎右腳一跣,大髀內側滑落死氣喉,晶瑩如雪的美腿慘被灼傷,即時送院救治。

    帶傷拍落水戲
    當地醫生為娜姐外敷內服藥物消炎,更建議她多加休息,惟《紙》片趕工正酣,娜姐依然死頂,以為燙火膏萬能,四日後更去拍落水戲,不知不覺令傷口惡化。雖然一直在痛,但娜姐見傷口變黃以為結焦,依然愛理不理,卻不知道原來是膿水外滲,傷口呈現淺黃色。至個多月後電影煞科返港睇醫生,才知道今次灼傷並非小兒科。

    香港醫生指她傷口的硬塊並非結焦,而是一團乾膿,不但令傷處不能透氣,導致未能埋口,傷口上更發現有霉菌孳生!由於未能及時病向淺中醫,娜姐得悉傷口可能是永久性疤痕,為此情緒插入谷底。醫生建議她搽藥膏先把乾膿浸軟,然後連續清洗傷口兩個月,期間須定時服食抗生素,直到去年十二月傷口才慢慢結疤。

    擺甫士要就位
    幸而《紙》片劇組早已為娜姐買定達七位數字保險,一般醫療費用悉數獲得賠償,可惜一條長達三吋闊兼半吋長的疤痕,凹凸不平烙印在大髀上,美腿盡毀!娜姐深知搵食工具極之重要,望可以做激光磨皮撫平傷疤。

    記者致電身在內地拍戲的娜姐,提到美腿盡毀,她說:「整親嗰陣都唔知咁嚴重,之後先識驚,好驚隻腳好唔番,所以真係好想做激光磨皮囉!但醫生又唔建議我咁做,叫我搽住藥膏先。」問會否因此影響收入?她說:「咁又冇乜,但真係好麻煩,每次影相擺甫士都要就位,唔得就用電腦執靚佢。」

    另外,被傷疤困擾的娜姐禍不單行,近日有傳她五官變臉,跟大S(徐熙媛)如倒模一樣。從她最近拍攝的內衣硬照發現,倒有幾分大S影子,令變臉疑雲更甚囂塵上。

    原文網址:http://orientaldaily.on.cc/cnt/entertainment/20120203/00282_001.html

Richshow

分數:336

加留意

  • 5
  • 2012-01-31

    好鬼正~~

Gogo123

分數:131

加留意

  • 8
  • 2012-01-19

    Chrissie就勁lo,E家同內地內衣品牌Lamiu合作,投資咗成千萬推出「秀娜系列」的內衣品牌,仲影咗d內衣ge相,身材真係正!
    佢接受電話訪問話︰「今次設計我想同女生分享自己PUSH UP小秘密,因為我對呢方面有經驗,知道點樣先最吸引人,我對內衣系列充滿信心!」

★Pinocchio

分數:460

加留意

  • 3
  • 2011-12-27

    WOR!佢真係唔怕凍,著住開胸長裙,「露半球」真空亮相Yahoo頒獎禮, E家D女星都系著得少出嚟撈。。

時光寫真館

分數:779

加留意

  • 6
  • 2011-12-20

    【周秀娜幫男友剃鬚當禮物】
    周秀娜( Chrissie)早前為男士剃鬚品牌拍廣告,片中的她接受不到滿面鬚根的男士,現實中她也愛滑淨整潔的男人,她認為鬚根是性感象徵,但並非人人都襯得起。
    在廣告中, Chrissie奉獻出第一次為男士剃鬚,她說:「原來剃鬚感覺好痛快,有機會我希望其他人可以試試我嘅手勢!」

    Chrissie到內地工作兩個多月,就算聖誕假期都不能回來慶祝,所以她決定今天偷空回港跟家人提早做冬。由於沒有時間預備聖誕禮物, Chrissie決定幫男友剃鬚當禮物,她笑說:「希望他留定鬚,等我回來就地正『髮』,我知道佢今年冇血光之災,已經叫佢唔使擔心,但如果大家見到佢臉上貼咗膠布,就代表佢有蠱惑。」

    原文網址:http://hk.apple.nextmedia.com/template/apple/art_main.php?iss_id=20111220&sec_id=462&subsec_id=830&art_id=15907680

Jackie Man

分數:659

加留意

  • 3
  • 2011-11-14

    【le saunda x 周秀娜 戀短靴 騷長腿】
    秋冬寒冷日子似乎愈來愈短,傳統長靴出場的機會亦漸少,取而代之是更百搭易襯、一連四季都着得,甚至可以讓女士顯露修長美腿的短靴Booties。周秀娜自言迷戀Booties,是忠實短靴粉絲,鮮艷圖案毛毛的花巧設計更是她那杯茶,適逢le saunda秋冬最新短靴玩盡各式花款,難怪吸引周秀娜親自騷長腿示範!

    狂野艷美 中性嬌媚
    秋冬時裝潮流百花齊放,英倫北歐風Animal Prints兵分幾路入侵潮界,le saunda今季亦因應不同的潮流主題設計多款短靴。品牌最新秋冬系列分為5大主題,當中的Wild Grunge就以近年女士至愛的Animal Prints為主要圖案,包括豹紋及斑馬紋等圖案飾以綁帶及拉鏈Platform短靴,其中一款豹紋更以黑銀色設計,充滿狂野艷美感覺。

    秋冬翻風吹起七、 八十年代經典潮,不少女士重投型格紳士鞋襯長裙及吊腳褲的懷抱。品牌有見及此,以Fall Town為主題,將紳士鞋的綁帶及通孔設計融入高踭短靴中,令女士在型格中不失幾分女性嬌媚。

    窩釘金屬 北歐民族
    品牌另一主題Metal Dazzling短靴款既浮誇又低調,大玩金屬元素,以窩釘或金屬裝飾,但配以土色系,一閃一暗,令女士又愛又恨。Biker Warrior則將女士化身為型格鐵騎士,用上擦色皮和麖皮等,再加上織皮、織冷Boot套、綁帶及隨意的皺摺設計元素,使人感覺更率性、不羈,將型格與舒適共冶一爐。

    此外,冬季怎可缺少北歐民族色彩?品牌以Nomadic Chic為主題的短靴飾以雪花圖案、皮草及毛裡裝飾,部分更採用仿爬山靴設計,充滿北歐原野色彩。

    原文網址:http://orientaldaily.on.cc/cnt/lifestyle/20111114/00315_001.html

上班這件事

分數:974

加留意

  • 7
  • 2011-11-04

    【周秀娜“好恨有個 Birkin”】
    衷心希望,故事出街之時,周秀娜這願望可達成。
    據報,其男友 Avis靜靜雞走去米蘭站揀袋,目標正是十萬元愛馬仕 Birkin,難怪娜姐話點都唔捨得自己買;有人送,馨香啲。

    二人拍拖四年,早前,俾人打完的傅穎主動介入,搵男方陪睇醫生,奇就奇在係睇倉鼠,唔係睇自己…… anyway,這已夠正室嬲餐飽。

    今年,為工作,留港不足一個月,娜姐飽受兩地情煎熬,奈何煎煎吓,又慣咗,事業前景愈見明朗,卻搞到一段情半天吊,如果話,潮州女人強悍硬淨兼捱得,今日的 Chrissie已是「潮州之光」,只是,面對自己心愛的男人,這樣好嗎?

    Chrissie Chau
    出生日期: 1985年 5月 22日(雙子座)
    出生地:潮州汕頭
    身高: 5呎 6吋半
    體重: 95磅
    三圍: 32C-22-32
    簡歷: 10歲,從汕頭移居香港。 05年,參加「香港動漫節」模特選舉獲亞軍。 08年,跟樂基兒同場出席活動,被指相貌相似,傳媒冠稱「翻版樂基兒」。 09年,推出寫真集,成為新一代性感女神。

    主要作品:電影《絕代雙嬌》( 08),《矮仔多情》、《死神傻了》( 09),《惡胎》、《婚前試愛》( 10),《猛男滾死隊》、《熱浪球愛戰》、《喜愛夜蒲》( 11)。寫真集《 Kissy Chrissie》( 09),《 Les Vacances d'Amour》( 10)。
    個人網誌: http://hk.myblog.yahoo.com/chrissiechau
    模特兒公司網頁: http://www.jamcast.com.hk

    名牌有心思
    愛馬仕是很多女人/女孩的 dream bag,動輒七至十萬,發夢就有你份!
    周秀娜密密拍電影頻頻出席活動,反攻內地拍劇,又做內衣代言,賺埋唔少,卻堅持潮州女務實本性,「好恨一個 Birkin,唔捨得,買手袋 budget萬五蚊左右,朋友去歐洲公幹會幫我買,只揀 basic款,難襯等於浪費。」
    但見你經常拎住香奈兒,亦唔失禮噃!「兩年前,英國買,大概萬六蚊,好抵!
    「 Chanel絕對係我第一個名牌袋,當時,好小心拆禮物盒,慢慢研究、欣賞包裝,真係有心思。」
    知名度高,慾望也變高, Chrissie坦言,入行前, cutting、質地通通唔識,見過又試過,大大衝擊其就住就住的購買習慣,「終於知道點解有啲衫會咁靚咁貴,著上身,的確唔同。
    「買衫時,先問自己點襯?著到幾多次?當貨品好貴,就會要求物有所值。」
    她上網見到一件 LV冬褸,鍾意到不得了,腦袋另一邊猛叫自己醒呀!「唔想知幾錢,一定好貴,買唔落手。」
    慳還慳,愛以 shopping慰勞自己,趁回港大破慳囊,大手買入 Vivienne Westwood及 Tsumori Chisato衞衣,「 18、 9歲,著衫要幾貼有幾貼,依家,拍戲工作超過 12小時,去到片場,唔想再打扮;「你由得我求其啦!」名牌傍身,「求其」有價。

    冇第三者 
    因為一個內衣品牌, Chrissie有機會玩票性質染指設計界,我唔浪費時間,直接問:「老闆係咪追你?」
    「我深信,若果老闆唔鍾意我,唔會搵我代言,我都好鍾意呢個品牌。」眨一眨眼,識大體哩!「我仲未遇過另一個男人令我心動。」呢句後補。
    眾所周知, Chrissie長情,跟 Avis識於微時,兩情相悅,不涉利益,「呢個係我一直力保大家關係嘅原因。」
    然而,暗湧出現了。
    今年,她全年在外,即使回港,早機返、晚機去,一來一往,「拍戲時,真係聽唔到電話,大家為此爭拗,我感到有心無力。」拍拖談情,溝通少,距離大,是為大忌,難怪被人以為有機可乘。「唔係因為第三者。
    「事實上,我已漸漸習慣獨立,好奇怪,女仔總愛被人錫,但有一日突然發現,一個人去面對/應付生活都可以,我唔鍾意呢種感覺。」
    咁點算?「大家仍然鍾意對方,要搵一個新方式相處。」事業上,女高男低,所謂新的方式,是否意味着你要求他快點出人頭地?「從不介意賺錢多過對方,但必須要求男仔知道自己做緊乜?我唔會湊埋佢。」
    Avis是這樣嗎?「佢係一個有計劃嘅男仔,知道自己未有能力俾到任何(承諾)女方,唔會隨便提出結婚。」買住 Birkin先,都算係緩兵之計。

    原文網址:http://hk.me.nextmedia.com/template/me/art_main.php?iss_id=255&sec_id=6619721&art_id=15764801

單翟宅

分數:976

加留意

  • 6
  • 2011-10-13

    【馮仁昭四圍超:周秀娜收 500萬解封暴乳】
    擁 D cup上圍嘅暴乳女神周秀娜( Chrissie)初出道憑噴血寫真加人形攬枕,成功上位,坐穩模女神地位,之後仲做埋吸金女王。人紅自然錫身,轉投影壇嘅娜姐,近年唔行性感,每次出嚟都着到鬼咁密實。
    最近娜姐同內衣品牌 La Miu(蘭繆)合作,代言唔夠三個月就獲加碼 500萬加簽長約,估唔到仲有機會睇到佢嘅魔鬼身材,喺咁勁嘅銀彈攻擊下,娜姐破天荒再以暴乳身材拍攝內衣照,其中一套紅黑內衣,娜姐谷爆咪咪,瞓低玩啤牌又朱唇半合,真係殺死唔少宅男。娜姐之前幫呢個品牌宣傳時,仲着住條極少布嘅內褲,認真大膽。

    日本班底拍攝
    今次娜姐嘅內衣照,大隊係移師日本拍攝,仲重金請咗日本 No.1女性時尚雜誌《 Vivi》成個班底一行廿幾人製作,朝早 5點開始化妝,一路直踩拍到夜晚 12點,大家都拍得好辛苦。此外, La Miu仲會同娜姐合作推出「秀娜」系列產品,娜姐話一向好喜歡買內衣,佢都好期待將自己嘅特色加入產品度。

    原文網址:http://hk.apple.nextmedia.com/template/apple/art_main.php?iss_id=20111013&sec_id=462&art_id=15699523&av_id=15700965

Walker Shing

分數:865

加留意

  • 1
  • 2011-09-21

    【周秀娜賣弄色相 埋星爺堆】
    周秀娜由o靚模轉戰影壇,當過不少電影女主角,始終未能攀上一線女星之位,為了打破缺口,娜姐最近成功

Alice Poon

分數:531

加留意

  • 3
  • 2011-07-22

    2009年,周秀娜繼推出寫真集後,還推出了很多款產品,她在香港動漫節2009推出人形攬枕,反應非常熱烈,而且還受到外間的關注。除外,她又推出寫真Blu-ray《EYESCREAM FIESTA》及2010年寫真月曆《ColouRevolution》。

    2010年,周秀娜除了推出寫真集外,還同時推出3D特輯影碟《法國蜜月之旅》,動漫節她更推出水上用品。

看過本頁的人還看過
 數據加載中...